Иже во святых отца нашего Николая, архиепископа Мир Ликийских, чудотворца






Скачать 129.97 Kb.
НазваниеИже во святых отца нашего Николая, архиепископа Мир Ликийских, чудотворца
Дата публикации24.05.2014
Размер129.97 Kb.
ТипДокументы
top-bal.ru > Астрономия > Документы
Месяца декабря в 6 день.

Иже во святых отца нашего Николая, архиепископа Мир Ликийских, чудотворца.

На Господи воззвах, стихиры на 8, глас 2: Подобен: Егда от древа:

В Мирех пожив чувственно,/миро вои=стинну явился еси,/ миром помазався у=мным,/ святе Николае, святителю Христов:/ и благоуха=еши лица,/ верою и любовию твою всесла=вную память соверша=ющих присно,/ разрешая бед и напастей и скорбей сих отче,// к Богу твоими молитвами.

Победы тезоимени=т воисти=нну/ верным лю=дем яви=:/ везде= бо призываемь быстро предваря=еши,/ любовию притекающих под кров твой:/ ты бо во дни и но=щи верным являяся,// спасаеши от напастей и обстояний.

Явился еси Константину царю, и Авла=вию во сне,/ и сим страх вложи=в,/ сице тем рекл еси:/ разрешите убо вскоре,/ яже держите связанныя в темнице,/ неповинни бо суть беззаконнаго заколения./ Обаче аще преслушаеши мене,/ мольбу сотворю Царю на тя,// ко Господу моляся.

Ве=лий заступник и те=плый/ в бедах обрета=ющимся еси славне,/ святе Нико=лае, священнопропове=дниче Христов:/ сущим на земли и плавающим,/ сущим далече и близ обретающимся,/ яко зело милостивнейший и молебник крепкий./ Темже сошедшеся вопием:// молися ко Господу, яко да всякаго избавимся обстояния.

Отче Николае,/ аще и Ми=рская страна= молчит,/ но мир весь иже тобою просвеще=нный,/ мира же благоуха=нии, и чудес множества,/ взывает благохва=льными пе=сньми:/ и спа=сшиися тобою осужде=ннии,/ с сущими в Мирех, и мы поюще вопием:// моли спасти=ся душам нашим.

^ Ины стихиры, глас тойже:Подобен: Киими похвальными:

Киими похвальными венцы/ увязем святителя,/ плотию в Ми=рех су=ща,/ и духовно всем достиза=юща,/ чи=сте того лю=бящим,/ всех предстателя и засту=пника,/ и всех скорбных утешителя:/ и всех сущих в бедах прибе=жище,/ благочестия столпа=, верных побо=рника?/ Егоже ради шатания врагов Христос низложи,// имеяй велию милость.

Киими песненными пении похвалим святителя,/ нечестия противобо=рца, и благочестия побо=рника:/ Це=ркве первостоя=теля, великаго заступника же и учи=теля,/ вся злосла=вныя посрамля=юща:/ потребителя Ариева, и того посо=бников?/ Егоже ради сих шатание Христос низложи=,// имеяй велию милость.

Ки=ими пророческими пе=сньми похва=лим святителя,/ иже далече сущая провидяща,/ и отстоящая яко близ суща пророчествующа нело=жно,/ и всю вселенную назира=юща,/ и вся обидимыя избавляюща,/ во сне явльшася царю богомудрому,/ и древле связанныя заколения неправеднаго изба=вльша,// и дарующа велию милость?

Слава, глас 6:

Святителей удобрение, и отцев славу,/ источника чудес и верных заступника великаго,/ соше=дшеся о празднолю=бцы!/ Пе=сненными похвала=ми воспои=м, глаго=люще:/ радуйся, ми=ряном хранителю,/ и первоседа=телю честны=й, и сто=лпе неподви=жный./ Радуйся, светильниче всесве=тлый,/ иже мирски=я концы= просвеща=я чудесы=./ Радуйся, скорбящих божественная ра=досте,/ и обидимых те=плый предста=телю./ И ныне, всеблаже=нне Нико=лае,/ не преста=й моляся Христу Богу,/ о верою и любовию чтущих приснора=достную// и всепра=зднственную па=мять твою.

И ныне, предпразднства, глас тойже:

Верте=пе благоукраси=ся,/ А=гница бо гряде=т чревонося=щи Христа=:/ ясли же подыми=те словом Разреши=вшаго от безслове=снаго деяния нас земнородных./ Па=стырие свиря=юще свиде=тельствуйте чудеси= стра=шному:/ и волсви= от Перси=ды, зла=то и лива=н и сми=рну Царю принеси=те,/ яко явися Господь из Девы Ма=тере./ Ему=же и прини=кши ра=бски Ма=ти поклони=ся,/ и привеща=ше к Держи=мому на объя=тиих Ея=:/ ка=ко все=ялся еси= Мне,/ или ка=ко прозя=бл еси= во Мне,// Изба=вителю Мой и Боже?
На литии стихиры глас 2, самогласны.

Правило веры, и образ кротости,/ яви тя стаду твоему Христос Бог, святителю Нико=лае:/ в Ми=рех убо благоуха=ющу ти,/ всюду сияют све=тло боже=ственная твоя исправле=ния,/ сирых и вдови=ц предста=телю.// Темже молися непрестанно, спасти души наша.

Отче Николае,/ мироположница мощей твоих Миры обогащает,/ в нихже и связанныя неправедно осужденныя,/ во сне царю видением твоим явився,/ свободил еси от смерти, и уз, и темницы./ Но и ныне, якоже тогда, и присно видением твоим явися,// моляй о душах наших.

Глас 4: Отче Николае,/ Пресвятаго Духа мироположница сый,/ яко в Мирех благоухаеши божественными ароматы./ Христовым бо апостолом подобник быв/ вселенную обходиши словесы чудес твоих./ Темже и дальним яко близ, во сне явля=яся от смерти избавля=еши,/ иже неправедным судом умрети имущия,/ спасая преславно от бед многих призывающия тя./ Темже и нас от находящих лютых свободи твоими молитвами,// присно восхваля=ющх тя.

Глас 8: Доблестей твоих преподобне отче плод,/ просветил есть верных сердца:/ кто бо слыша безмерное твое смирение, терпению не удивися,/ еже к нищим тихости, к скорбящим утешению?/ Вся боголепно научил еси святителю Николае,/ и ныне неувядаемым венцем увязлся еси,// молися о душах наших.

На хвалу потекл еси Господню, Николае,/ во временней жизни,/ и Той тя прослави на Небесней и истинней жизни./ Темже дерзновение стяжав к Нему,// моли спасти души наша.

Слава, глас 6:

Благи=й ра=бе ве=рный,/ де=лателю винограда Христова,/ ты и тяготу= дневну=ю поне=сл еси,/ ты и данный тебе талант возрасти=л еси,/ и по тебе прише=дшим не зави=дел еси,/ темже врата Небесная отверзо=шася тебе:/ вни=ди в радость Господа твоего,// и моли о нас, свя=те Нико=лае.

^ И ныне, глас тойже:

Сионе торжеству=й,/ Иерусалиме весели=ся граде Христа Бога,/ подыми= Зижди=теля в верте=пе и я=слех вмеща=емаго:/ отве=рзите ми врата,/ и вшед в ня, узрю= яко Младенца пеленами Повива=емаго,/ дла=нию же Содержа=щаго тварь:/ Егоже поют ангели непрестанным гласом,// Жизнодавца Господа, спаса=ющаго род наш.

На стиховне стихиры, глас 5. Подобен: Радуйся:

Радуйся, свяще=нная главо=,/ честы=й добродетелей до=ме,/ Божественнейшаго священства правило,/ пастырю великий, светильниче светлейший,/ иже победы нося имя,/ и молящимся ми=лостивен преклони=тель,/ приница=яй к немощны=х прошениям,/ изба=вителю гото=вейший,/ храни=телю спаси=тельный,/ всем верою чтущим всеславную память твою,/ Христа моли преблаже=нне,// низпослати миру велию милость.

Стих: Честна пред Господем/ смерть преподобных Его.

Радуйся, свяще=ннейший у=ме,/ Троицы чистое обита=лище,/ сто=лпе церко=вный,/ верных утверждение,/ побежда=емым помощь./ Звездо=, яже сия=ньми благоприятных твоих молитв,/ разоря=я напастей же и скорбе=й тьму всегда,/ святителю Николае./ Пристанище тихое в не=же притека=юще/ треволне=ньми жития= одержи=мии спасаются:// Христа моли, душа=м нашим да=ти велию милость.

Стих: Свяще=нницы Твои облеку=тся в пра=вду,/ и преподо=бнии Твои возра=дуются.

Ра=дуйся ревности Боже=ственныя испо=лнивыйся,/ и наведе=ния зла изба=вль/ неправедно хотящих умре=ти,/ предста=нием стра=шных и сна запреще=ньми,/ исто=чниче источаяй в Мирех Нико=лае, мира бога=тно,/ и ду=ши напоя=ющее,/ смра=ды же страсте=й отгоня=ющее,/ меч, пле=велы пре=лести посека=ющий,/ лопа=та развева=ющая А=риева пле=вельная учения.// Христа моли, низпослати душам нашим ве=лию милость.

Слава, глас 6:

Челове=че Божий, и ве=рный ра=бе,/ слуго= Господень, му=жу жела=ний/ сосуде избранный,/ сто=лпе и утвержде=ние Це=ркве,/ Царствия насле=дниче,// не премолчи= вопия= за ны ко Господу.

^ И ныне, глас тойже:

Безневестная Дево, отку=ду пришла= еси?/ Кто роди=вый Тя?/ Кто и мати Твоя?/ Како Зижди=теля н=осиши на руку=?/ Како не растли=лася еси утро=бою?/ О вели=ких преславных на Тебе страшных таинств,/ на земли совершаемых зрим Всесвятая!/ И предуготовля=ем достойный Тебе долг,/ на земли= верте=п, и от Небе=с просим пода=ти звезду=,/ и волсви= же прихо=дят от восто=ков земли к за=падом/ ви=дети человеческое Спасе=ние,// во я=слех пелена=ми повива=емое.

Тропарь, глас 4

Правило веры, и образ кротости,/ воздержания учителя/ яви тя стаду твоему,/ яже вещей истина./ Сего ради стяжал еси смирением высокая,/ нищетою богатая:/ отче священноначальниче Николае,/ моли Христа Бога,\ спастися душам нашим.

^ Слава, и ныне, Богородичен:

Еже от века утае=ное,/ и ангелом несве=домое таинство,/ Тобою Богородице сущим на земли явися Бог,/ в неслитном соединении воплощаемь,/ и Крест волею нас ради восприи=м,/ имже воскресив первозданнаго,// спасе= от смерти души наша.

Кондак, глас 3: Подобен: Дева днесь:

В Ми=рех, святе, священнодействитель показа=лся еси,/ Христово бо, преподобне, Евангелие испо=лнив:/ положил еси душу твою о лю=дех твоих,/ и спасл еси неповинныя от сме=рти./ Сего ради освяти=лся еси,\ яко великий таинник Бо=жия благода=ти.

Величание:

Величаем тя,/ святи=телю отче Нико=лае,/ и чтем святую память твою / ты бо молиши за нас // Христа Бога нашего.

^ Псалом избранный: Услышите сия вси язы=цы, внушите вси живу=щие по вселе=нней.
По 50-м псалме стихира, глас 6:

Насле=дниче Божий, соприча=стниче Христов,/ служи=телю Госпо=день, свя=те Нико=лае,/ по имени твоему тако и житие= твое:/ спросия= бо седине= разум,/ свиде=тельствоваше светлость лица= твоего душевное незло=бие,/ изве=ствоваше кротость сло=ва молчали=вое./ Жизнь твоя сла=вна,/ и успе=ние со святы=ми:// моли= о душа=х наших.

^ Канон Богородицы со Ирмосом на 6: И святаго два канона на 8.

Канон Богородицы, глас 1.

Песнь 1: Песнь победную пои=м вси Богу,/ сотворшему дивная чудеса мышцею высокою,// и спасшему Израиля, яко прославися.

^ Катавасиа: Христос раждается:

Песнь 3: Да утвердится сердце мое в воли Твоей, Христе Боже,/ Иже над водами небо утвержде=й второ=е,// и основа=вый на водах землю Всесильне.

^ Катавасиа: Прежде век:

Песнь 4: Духом провидя проро=че Аввакуме, Словесе= воплощение,/ пропове=дал еси вопия:/ внегда прибли=житися ле=том, позна=ешися,/ внегда= приити= вре=мени, пока=жешися.// Слава силе Твоей, Господи.

^ Катавасиа: Жезл из корене Иессеова:

Песнь 5: Светлый нам возсияй свет присносу=щный,/ у=тренюющим о судьба=х за=поведей Твоих,// Владыко Человеколюбче Христе Боже наш.

^ Катавасиа: Бог сый мира:

Песнь 6: Пророка Иону подража=я, вопию=:/ живот мой, Блаже, свободи= из тли,// и спаси мя, Спасе мира, зовуща: слава Тебе.

^ Катавасиа: Из утробы Иону:

Песнь 7: Пещь, Спасе, ороша=шеся,/ о=троцы же лику=юще поя=ху:// отце=в Боже, благословен еси.

Катавасиа: Отроцы благочестию совоспитани:

Песнь 8: Егоже ужасаются ангели, и вся воинства,/ яко Творца и Господа,/ пойте свяще=нницы, просла=вите о=троцы,/ благословите лю=дие,// и превозноси=те во вся ве=ки.

^ Катавасиа: Чуда преестественнаго:

Песнь 9: Живоприе=мный источник приснотеку=щий,/ светоно=сный светильник благодати,/ храм одушевле=нный, сень пречи=стую,/ небесе= и земли простра=ннейшую,// Богородицу вернии величаем.

^ Катавасиа: Таинство странное:
На хвалитех стихиры, на 6, глас 1. Самогласны:

На 6: Сотворити в них суд написан:/ слава сия будет всем преподобным Его.

Воззрев неуклонно на высоту ра=зума,/ и узре=в неявле=нно прему=дрости глубину=,/ твоими уче=ньми мир обогати=л еси отче,// о нас присно молися Христу, святителю Николае.

Стих: Хвалите Бога во святых Его,/ хвалите Его в утвержении силы Его.

Человече Божий и верный угодниче,/ и строителю Того Таин,/ и му=жу желаний духовных,/ столпе одушевленный, и вдохнове=нный о=браз:/ яко Божественное бо сокровище/ тя Ми=рская Церковь чудя=щися прия=ла есть,// и молитвенника о душах наших.

^ Ины стихиры, глас тойже:Подобен: Небесных чинов:

На 4: Хвалите Его на силах Его,/ хвалите Его по множеству величествия Его.

Церковныя цве=ты облета=я,/ якоже птенец вы=шняго гнезда а=нгельскаго,/ Нико=лае треблаже=нне,/ зовеши присно к Богу о всех нас,/ иже в ну=жных бедах и искуше=ниих,// и избавляеши молитвами твоими.

Стих: Хвалите Его во гласе трубнем:/ хвалите Его во псалтири и гуслех.

Священныя одежды красоту,/ де=ятельными соделал еси добродетельми светле=йшую,/ отче богоно=се./ Темже нам священноде=йствуеши дивная,/ славных чудес священноде=телю,// лютых избавляя ны.

Стих: Хвалите Его в тимпане и лице,/ хвалите Его во струнах и органе.

Невидимых добро=ты проходя=,/ страшную о=ну разумел еси славу святых, святе./ Темже нам небесная словеса=,/ присноживо=тных о=ных виде=ний явля=еши,// священнейший отче.

Стих: Хвалите Его в кимвалех доброгласных, хвалите Его в кимвалех восклицания:/ всякое дыхание да хвалит Господа.

Яко во сне предстал еси благочестивому царю,/ и узники, отче, от смерти избавил еси:/ молися непрестанно,/ яко да и ныне молитвами твоими,/ избавимся от искушений и бед и болезней,// достойно благохва=лящии тя.

Слава, глас 5:

Востру=бим трубою песней,/ взыграем пра=зднственная,/ и ликовству=ем радующеся/ в моле=бное торжество богоноснаго отца./ Цари= и князи да стеку=тся,/ и иже сонным страшным явлением царя препира=юща,/ неповинно держи=мыя три отпусти=ти воево=ды, да воспоют./ Па=стырие и учи=телие добраго Пастыря,/ подобноревни=тельна пастыря, сошедшеся восхвалим./ Иже в неду=зех врача, и иже в бедах изба=вителя,/ грешнии заступника, нищии сокровище,/ и иже в ско=рбех уте=шителя,/ спутника путеше=ствующии,/ на мори су=щии прави=теля,/ и вси везде те=пле предваря=юща,/ великаго святителя восхваляюще, си=це рцем:/ пресвятый Нико=лае,/ предвари и избави ны от настоя=щия беды=,// и спаси стадо твое молитвами твоими.

^ И ныне, Богородичен, глас тойже:

Востру=бим трубою пе=сней:/ прини=кши бо свыше Всецарица Мати Дева,/ благослове=ньми венчева=ет воспева=ющия Ю./ Ца=рие и кня=зи да стекутся,/ и Царице да воспле=щут в пе=снех, Царя рождшей,/ иже смертию держи=мыя пе=рвее,/ разреши=ти человеколю=бно благоволи=вшаго:/ па=стырие и учи=тилие, добраго Пастыря Пречистую Матерь/ сошедшеся восхва=лим./ Све=щник златоза=рный, светоно=сный о=блак,/ небес простра=ннейшу,/ одушевле=нный киво=т, огнезра=чный Влады=чень престо=л,/ манноприе=мную злату=ю ста=мну,/ затворе=нную Слова дверь,/ всех христиан прибежище,/ пе=сньми богогла=сными похваля=юще, си=це рцем:/ пала=то Слова, сподоби смиренных нас Небеснаго Царствия:// ничтоже бо невозможно хода=тайству Твоему.

На Литургии:

блаженна от канона 1-го, песнь 3-я: и 2-го канона песнь 6-я.

Нико=лае блаженне, Владыки искренний ученик ты быв, спаса=еши к тебе притека=ющыя от лютых бед и смерти горькия.

Очисти рабы твоя, грехов оставление, яко Благ, даруя, Николая, Твоего угодника, яже к Тебе хода=тайствы, Многомилостиве.

Иже победы, Нико=лае, венец на твоем версе= досто=йно положи=ся: яко победитель убо изряднейший, тя призыва=ющыя спаси.

Умерщвле=на мя, блаже=нне, прегреше=ньми, и страстей треволне=ньми погружа=ема, явився, спаси ко пристанищу Божественныя воли.

Новый явился еси Авраам, Нико=лае, яко единородна бо сына привел еси ума= Владыце твоему, безкровныя жертвы принося присно. Отону=дуже благословился еси, яко страннолюбец, отче, и Троицы был еси оби=тель боже=ственна и непорочна.

Странна и ужасна содеваеши чудеса, Николае, по всей земли и в мори далече бедствующым, скоротечными молитвами предстательствуя, немощным врач, и нищым питатель, победы на враги тезоименит людем верным являяся.

Оком умным провидя будущая, учений правых наполнил еси вся концы: единосущна Отцу Сына возвещая нам, ариево неистовство потребил еси, столп православныя веры, честная твоя предложив исправления.

Бгородичен: Весь воплощся во утробе Твоей, Пречистая, Христос Бог, без семене родися: не стерпе бо своих рук создание зрети от льстиваго мучимо, прииде рабозрачным образом, человеческий род избавити.
Прокимен, глас 7: Возвеселится праведник о Господе, и уповает на Него.

Стих: Услыши, Боже, глас мой:

Причастен: В память вечную:

Добавить документ в свой блог или на сайт

Похожие:

Иже во святых отца нашего Николая, архиепископа Мир Ликийских, чудотворца iconГрафик сборных автобусных туров ООО «мир путешествий»
Святая Сизьма. Храм Николая Чудотворца, музей истории села, д. Соловарка (часовня св. Ксении, колодец Г. Победоносца, Святая рябина),...

Иже во святых отца нашего Николая, архиепископа Мир Ликийских, чудотворца iconТипикон
Иерусалиме святыя лавры, преподобнаго и богоноснаго отца нашего Саввы. Тожде последование бывает и в прочих во Иерусалиме честных...

Иже во святых отца нашего Николая, архиепископа Мир Ликийских, чудотворца icon2005 – 2015 г г. – Международное десятилетие действий «Вода для жизни»
Год возрождения кронштадтского Морского собора во имя святителя Николая Чудотворца (заложен в 1903 г.)

Иже во святых отца нашего Николая, архиепископа Мир Ликийских, чудотворца iconМолитвами святых отец наших, Господи Иисусе Христе Боже наш, помилуй нас. Аминь
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и...

Иже во святых отца нашего Николая, архиепископа Мир Ликийских, чудотворца iconДень святых благоверных Петра и Февронии Муромских пять лет назад...
Сейчас в нашей стране возрождается почитание святых Петра и Февронии, к этому дню приурочены мероприятия, направленные на популяризацию...

Иже во святых отца нашего Николая, архиепископа Мир Ликийских, чудотворца iconОбъяснение утрени
...

Иже во святых отца нашего Николая, архиепископа Мир Ликийских, чудотворца iconКонкурс творчества «Славянский мир-2013»
Один из самых почитаемых славянами святых, покровитель Москвы и Русского государства

Иже во святых отца нашего Николая, архиепископа Мир Ликийских, чудотворца iconМолитвами святых отец наших, Господи Иисусе Христе Боже наш, помилуй...
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша,...

Иже во святых отца нашего Николая, архиепископа Мир Ликийских, чудотворца iconКак появился праздник «День отца»?
Впервые праздник «День отца» был проведен 19 июня 1910 года в США. В 2010 году празднику исполнилось 100 лет. Международный «День...

Иже во святых отца нашего Николая, архиепископа Мир Ликийских, чудотворца iconПреподобный Симеон Новый Богослов Божественные Гимны Оглавление
Никиты Стифата, монаха и пресвитера Студийского монастыря, на книгу божественных гимнов преподобного Отца нашего Симеона. 13



Школьные материалы


При копировании материала укажите ссылку © 2018
контакты
top-bal.ru

Поиск